Гэр бүлийн эрсдлийг тодорхойлох үнэлгээ хийж байна

2020-03-23 0

Засгийн газрын хэрэгжүүлэгч агентлаг Гэр бүл, хүүхэд залуучуудын хөжглийн газрын удирдлагууд 21 аймгийн Гэр бүл, хүүхэд залуучуудын хөгжлийн газрын дарга нартай өнөөдөр онлайн хурал зохион байгууллаа. Хуралд агентлагийн дарга М.Энх-Амар, дэд дарга Б.Халиун  болон газрын дарга нар, ХНХЯ-ны Хүн амын хөгжлийн газрын Хүүхэд залуучууд, ахмад настан, гэр бүлийн хөгжлийн хэлтсийн дарга Н.Баярмаа, Нийслэлийн Гэр бүл, хүүхэд залуучуудын хөгжлийн газрын дарга Н.Мандуул нар оролцлоо.

Хурлын үеэр аймгийн гэр бүл хүүхэд залуучуудын газрын дарга нар Монгол Улсын Засгийн газраас онцгой байдал тогтоосноос хойш салбарын яамд болон агентлагийн даргын өгсөн чиглэлийн дагуу хүүхэд хамгааллын талаар ямар арга хэмжээ авч ажиллаж байгаа тухай товч танилцуулга мэдээлэл хийсэн. Тухайлбал, аймгийн дарга нар онц байдал зарлаж хөл хорио тогтоосон энэ цаг үед хүүхэд, залуучуудыг аливаа эрсдэлээс урьдчилан сэргийлэх зөвлөмж, мэдээ, мэдээллийг бэлтгэн орон нутгийн хэвлэл мэээллийн хэрэгсэл болон цахимаар олон нийтэд хүргэж байгаа гэдгийг онцолсон. Мөн орон нутагт хариуцлагатай жижүүр ажиллуулахаас гадна ариутгал халдваргүйжүүлэлтийн ажлыг шат дараатайгаар зохион байгуулж байгаа гэдгийг онцолж байв.

Энэ үеэр Гэр бүл хүүхэд залуучуудын хөгжлийн газрын удирдлага болон газрын дарга нар аймгийн удирдагуудад хандан тодорхой арга зүйн зөвлөмжийг өгч байв. Тухайлбал, Гэр бүл, хүүхэд залуучуудын хөгжлийн газрын дарга М.Энх-Амар  “ХНХЯ, БСШУСЯ болон Эрүүл мэндийн сайдын гаргасан хамтран баталсан “Гэр бүлийн орчинд хүүхдийн аюулгүй байдлыг хангах, болзошгүй осол гэмтэл, эрсдэлээс урьдчилан сэргийлэх арга хэмжээ”-ний удирдамжийн дагуу холбогдох арга хэмжээг авч ажиллах шаардлагатай байгаагаас гадна аймгууд бие биенийхээ хийж, хэрэгжүүлж буй сайн жишээг тухайн орон нутагтаа мөн нэвтрүүлэх хэрэгтэй байна” гэсэн юм. Мөн тэрбээр сүүлийн үед цаг агаар дулаарч байгаатай холбоотойгоор эцэг эхчүүд хүүхдээ дагуулан олон нийтийн газраар явах нь эрс нэмэгдэж байна. Онцгой байдал зарлаж, хөл хорио тогтоосон үед энэ нь байж болохгүй асуудал. Иймээс эцэг эхчүүд энэ эрсдэлтэй цаг үед анхааралтай байж хүүхдүүдээ олон нийтийн газар дагуулж явахгүй байх зөвлөмжийг иргэдэд өгөх ёстой гэв. Мөн орон нутагт үйл ажиллагаа явуулж буй нэг цэгийн үйлчилгээ, Түр хамгаалах байруудыг эзэнгүй орхиж болохгүй. Хүүхэд хамгааллын мэргэжлийн ангиуд энэ онцгой цаг үед хариуцлагатай ажиллах ёстой. Хөл хорио тогтоосонтой холбоотойгоор ахуйн хүрээний архидалт нэмэгдэх, үүнээс болж хүүхэд эрсдэлд орох магадлал нэмэгдэж байгаа учраас хаа хаанаа хариуцлагаа чангатгаж ажиллах ёстой гэж байв.

2019 онд Засгийн газрын 201 дүгээр тогтоолоор “Онцгой нөхцөл байдлын үед хүүхдийн эрхийг хамгаалах, тусламж, дэмжлэг үзүүлэх журам”-ыг баталсан. Энэ хүрээнд өнгөрсөн хоёрдугаар сарын 27-ноос гуравдугаар сарын 15-ны өдрийг хүртэл Гэр бүл хүүхэд залуучуудын хөгжлийн газар болон аймаг дүүргийн Гэр бүл хүүхэд залуучуудын хөгжлийн газар, хэлтсээс хүүхэд, гэр бүлийн эрсдэлийг тодорхойлох түргэвчилсэн үнэлгээг гаргасан. Энэ түргэвчилсэн үнэлгээгээр өнөөдрийн байдлаар 86199 өрх айлын мэдээлэл ирсэн бөгөөд 50213 нь нийслэл, 35985 нь орон нутгаас ирүүлжээ. Хамгийн анхаарууштай нь энэхүү түргэвчилсэн үнэлгээгээр 13000 өрх эрсдэлтэй гэсэн ангилалд орсон бөгөөд үүнд 10-аас дээш насны  хүүхдээ харах хүнгүй үлдээдэг гэсэн 12904 өрх айл байгаа бол бага насны хүүхдээ харах хүнгүй үлдээдэг гэсэн 1128 өрх байгаа аж. Түүнчлэн 200 орчим айл өрх хоол хүнсгүй гэсэн мэдээллийг Түргэвчилсэн үнэлгээний багийнханд өгчээ. Мөн улсын хэмжээнд 51843 өрх хяналтад байх ёстой гэсэн судалгаа гарсан байна.

Мэдээг үнэлэх
Like
Love
Haha
Wow
Sad
Angry

Холбоотой мэдээ

Д.Ундраа: ХҮЧИРХИЙЛЛИЙГ ҮЛ ТЭВЧИХ НИЙГМИЙН СЭТГЭЛЗҮЙГ БИЙ БОЛГОНО

“Үжин” төвийг үүсгэн байгуулагч, зөвлөх, “Хүүхэд хүчирхийлэхийн эсрэг үндэсний хөдөлгөөн”-ий ерөнхий

2020-03-30

Уранаа Улаанбадрахаар цэгэлье…

Хуульч, судлаач С.Заяадэлгэрийн "МӨХӨЛ ҮҮ, СЭХЭЛ ҮҮ?" бичвэрийг нийтэллээ. Германчууд цөмийн

2020-03-24

Ж.Чинбүрэн: Элдэв муугаар гүтгэх тусам элэг бүтэн Монголынхоо төлөө илүү зүтгэнэ

Монгол улсын хүний гавъяат эмч Жигжидсүрэнгийн Чинбүрэн Миний бие 23 жилийн туршид элэгний хорт хав

2020-03-24